Eguzkiloreari buruzko testu bat ekarri dugu. Honen jatorria, landare mota, ezaugarriak, esanahia eta beste hainbeste. Euskal sinbologiaz ez ezik, Mari pertsonaia mitologikoari ere egingo diogu errepara.

Iñaki Zabaletarekin Joxe Azurmendi pentsalari eta erreferente intelektual zegamarraren II.kongresuaz, euskal pentsamenduaz eta Joxe Azurmendi katedraz aritu gara, haren heriotzaren lehen urtemugan. Uztailaren 4an Zegaman izango dugu hau oroitzeko omenaldi ekitaldia, goizean Azurmendiren ekarpenari buruzko jardunaldia izango delarik.

Miren Basurtorekin denboraldiko azken ekarpena ozen irakurtzearen inguruan osatu dugu, pare bat testuren irakurketaz lagundua.

Ezkioko baserria dugu Igartubeiti, aurten urtemuga berezia ospatzen duena. Bertako teknikaria den Kizkitza Ugarteburuk egungo baserriaz, lehen zenaz eta egunerokoan izaten dituzten aukerez jaso ditu gure belarriak.

Beñat Lopez Iruñeko Gaztelu Plazan dagoen Laba kultur sareko kideari egin diogu aste honetako lehen elkarrizketa, eta euren egitasmoa, erronka nagusiak, eta beste hainbeste kontatu dizkigu.

Xabier Eizagirre azkoitiarrarekin hasiko dugu saioa. Euskara irakaslea izatearekin bat hika erakustaile dabil egun Eizagirre.

Nekane Munduateren eskutik goierriko mintzodromoaz aritu gara, joan den maiatzaren 21an Ordizian izan baitzen.

Hiztegi bat izeneko baliabidea argitaratu berri dute, online. Gorka Urbizuk idatzitako abestien letren hiztegia da, eta euskara ikasteko pentsatua dago. Hiztegitik abiatuta, euskarazko kultur sorkuntzaren garrantziaz hausnartu dugu Miren Basurtorekin: euskara maila hobetzen du eta euskararekiko atxikimendu afektiboa piztu edo sendotu ere bai.