Gaur ere, grazia gutxiko eguraldia izango dugu atzokotik zertxobait irabaziko duen arren. Sartaldetik joko duen zehar haizeak pixka bat mugituaz, laino baxuak barreiatuko ditu. Tenperatura igo ezinean dela, garaiari dagokiona harrapatzeko dezente faltako du dotoreziak eta giroaren goxotasunari eutsi ezinen dela, mikatz puntua mantenduko du elementuak modu onean jarri ezinean direla. Beraz, ateri samar baina lainotzarrak arrastaka eta tenperatura igo ezinean. 

Amaia Gartzian zinema eta telesailen estreinaldiak aipatu dizkigu.

Oosa sukaldaritzako Vanessa Blazquezek Oianguko Txiringitoaren ardura beraien esku geratuko dela aurtengo udan eta bertako funtzionamenduaren ingurukoak kontatu dizkigu.

Gaur zeharo eguraldi ona, elementuak modu onean direla. Haize suabea aldakor, goizean hego ukituarekin eta arratsaldean ipar ekialdetik. Hodei bakan batzuk zeru sabaian eta arratsaldean erabat oskarbi eguzkiari lan lekua utziaz. Bazterrak ederki goxatuko ditu sasoiko dagoen eguzki mardul horrek. Eguratsaren hezetasuna modu onean dela, garden sumatuko dugu dotorezia areagotuaz. Penintsulan aurkituko den antizikloiaren efektua izango da giro bikain hau.

Legazpiko Butch musika taldekoak Musikazblai saioan izan dira beraien diska berria aurkezten.

Abian da Segurako udalak atera duen “udan gozatu kultura” agenda kulturala. Herritar guztiei bideratutako agenda zabala. Udaleko kultur teknikari Josune Arondo eta kultur zinegotzia Egoitz Apaolaza izan ditugu estudioan.

Sustatuko Luistxo Fernandezek,  EAEn Covid ziurtagiria nola lortu izenpe elektronikorik gabe azaldu digu.

San Juan goizak  giro euritsu eta goibela ekarriko digu. Arratsaldean piskanaka atertzeko joera hartuko du eguraldiak.

Asteazken honetakoa aurtengo 35. izan da. San Joan bezpera eta azkena izanik festa giroan pasatu dugu ordu bete. Euskaraz ikasten ari diren bi lagun gurekin, Zerainen bizi den Eliana Lopez biologoa, mexikarra bera eta Berriztik etorriko den Dana Moya kubatar musikari-kantaria. “Urmuga Mendiak eta musika” ekimena ere aurkeztu dugu.

Potx eta Lotx pailazoak diska berria kaleratzeaz gain, ikuskizun berria prestatu dute”kaleak bizirik” deiturikoa.