Udaberriko azken orduak giro goibelarekin eman ditugu eta udako lehen orduetarako ere giro berbera espero dugula aipatu digu Joxe Landak.
Hala ere, estreinatu berri dugun uda sasoirako, egun argitsu ta eguzkitsuak izango ditugula ere iragarri digu.

Urdaibai Bird Centerreko Edorta Unamunok gaurko saioan hegaztiek nola jasatzen dute bero hauek kontatu digu.

Andoni Calvok beste behin ere Disneyra eraman gaitu, baina oraingoan urteetan modu ez-ofizialean egin den desfile bati buruz hitz egiteko.

Aurten, azkenean, egundoko festa antolatu dute bertan: “Magic Pride” LGTBI Harrotasunaren Lehen desfile ofiziala behar den bezala ospatatu dutelako.

Gaurkoan Amaia Garcia zinema adituarekin, ikasturteko azken tartea egin dugu; uda bikain bat igaroko duelakoan gaude, zinemako estreinaldi, telesail eta laburmetrai bikainenekin gozatuko duelako ere noski.

Ezagutu nahi dituzue gaurkoan gomendatu dizkigunak? Entzun hemen 😉

Bertako elikagaien ekoizpena bultzatzeko Itsason egin izan diren ekitaldi eta jarduerak anitzak izan dira orain arte, hauen artean aurreko urtean lehenengoz, Bertako Produktuen Jardunaldia ospatu zutelarik. Egun honek izan zuen harrera ikusita bigarrena antolatzeari ekin diote Itsasoarrek

Gaurkoan gurean, Itsasoko Batzordeko ordezkari eta ekoizle den Gorka Sasietak, biharko jardunaldiaren nondik norakoak azaldu dizkigu.

Sin Mala Intención Taldeko Gorka Lizasok beste kanta bat sotu du 4 hitzekin. HItzak hauek izan dira; Prezioen garestitzea, udako parrandak/festak, alerta horia/laranja eta badator uda!.

LAIOTZ HERRI ESKOLAKO haurrak izan ditugu ahozkotasuna eta komunikazioa lantzeko egiten dugun irratsaioan. Gaurkoan, Sugar, Libe eta Haizea izan ditugu “Goizerokoan”.

Bakardadeak gero eta garrantzi handiagoa hartu du azken urteotan, eta gizarte gisa aurre egin beharreko erronka nagusietako batean bilakatu da; horregatik eta Aldundiarekin elkarlanean, Adinberri Fundazioak 2020ko otsailean ekin zion “Hariak” bakardadeei aurre giteko Gipuzkoako estrategiari.

Pertsonen bizi-kalitatea hobetzea eta gure gizartean gero eta ohikoagoa den fenomeno bati heltzea du helburu programa honek eta bihar ekainak 16, Beasaien izango dira proiektua aurkezten

Entzun hemen Adinberriko Rakel San Sebastián zuzendari nagusiarekin egin dugun solasaldia.

Eureka Zientzia Museoko Miren Millet guren izan da eta gaurkoan udako astronomia kontuak ekarri dizkigu.

Beasaingo Transzikloa martxan da eta ekainaren 17an “Meri, Mari eta Lari” haurrentzako ikuskizuna izango da Gernikako pasealekuko frontoian arratsaldeko 17:30etan. Honen berri emateko gurekin izan da Yogurinha Borova.