Lainoak sareago eta ateriari eutsiaz, dotoreziak pixka bat irabaziko du baina tenperaturak bat ere ez. Kostaldean izotza erabat ez baina barnealdeetan bai zerotik behera dezente jaitsiaz. Horrela dotorezia irabazian baina goxotasuna galeran ipar haize petralaren jipoiarekin. Asteburuan ere tankera hauxe mantenduko du eguzkiaren ukituak eguerdietan dezente goxatukoaz. Estimatzekoa izango da eguerdietako fenomeno hori.

Izarra Urdaileta alkatearekin , herriko hainbat proiektu, ikastaro eta gaien inguruan aritu gara hizketan.

Txukuntzeneko Maitane Ormazabalekin, sukalde bazterketetarako gakoez hitz egin duu.

Estreinatu berri den  Aita Mari film dokumentalaz aritu gara Goizerokoan Javi Julio zuzendariarekin.

Zuhaitz Gurrutxaga izan da Goizerokoan, izan ere Iker galartzarekin batera Ordiziko Herri Antzokian izango dira Urtarrilaren 21ean 20.30etan , LEHENDAKARI GAIA antzezlanarekin.

Apur bat aldatuko da eguraldiaren martxa. Haizea ipar mendebaldetik jarrita, laino multzoa ekarriko du zirimiria barreiatu nahian baina pixka bat umeldu besterik ez du egingo ateriari eutsiaz. Tenperaturak zertxobait irabaziko du  batez ere goizekoak oskarbiaren efekturik gabe. Zeru sabaia eta eguratsa zikinago direla, dotoreziak apur bat galduko du baina goxotasunak zertxobait irabazi. Hurrengo egunetan ere tankera honi eutsiko dio. Asteburua txukunago eta goxoago.

Minbizia inguruan duten pertsonen bizipenak elkarbanatu eta tabuak desegitea da Izan Iñurri proiektuaren helburua. Laguntza emozionala eta ekonomikoa eskaintzen dute, baina askoz haratago doa beraien lana. Izan Iñurriko kide diren Miren Cuerdo Izagirre, Julene Illarramendi Elexpuru eta Sandra Barkaiztegi Navarro izan ditugu estudioan.

UZ ikastolako zuzendaria den Mikel Garralda zuzendariak, matrikulazio kanpainaren ingurukoak aipatu dizkigu, baita eskolan lan egiteko metodologiaren ingurukoak ere.

Amesgile Argitaletxeko Betzaida Urtazarekin 2021. urteko errepasoa egin digu.

Haizea hegoaldetik suabe eta hodei batzuk zeru sabaian baina euri arriskurik gabe tenperatura atzoko moduan dela. Horrela dotorezia apur bat galeran. Tenperatura behean mantenduaz, izotza leku askotan kendu ezinik. Giro petrala txarkeriarik gabe eta negu tankerari eutsiaz. Antizikloiaren esparruan aurkiturik ateria seguru eta giroa gehiegi mikaztu gabe. Haizearen jitarengatik kostaldea mantenduko da goxoen izotzik gabeko guneekin.