TOBERA MUSIKA ESKOLA

Eguberrietan gure inguru hurbilean abestu izan diren, baina gaur egun ohikoak ez diren gabon-kantak ezagutu, gorde eta hedatzeko ekimena abiatu du Mutiloako, Segurako, Zegamako eta Zeraingo TOBERA Musika- eta Dantza-eskolak. Etxean, familian, auzoan, aiton-amonei entzunda… abestu izan diren eguberri-abestiak grabatu eta bidaltzeko deialdia egin die herritarrei. Abesti horiek berezkoa duten Gabon giro eta kutsuan jaso eta hurrengo urtean ezagutaraztea da asmoa, abesti horiek betiko gal ez daitezen.