2022-11-04 EGURALDIA/JOXE LANDA

Kaskarkeria gehiago nabarmenduko da gaur tenperatura beherago eta ipar mendebaldeko haizea mugituaz. Asko mikaztuko da giroa euria barra-barra egun guztian atertu gabe, zaparrada trumoizkoak ere izan daitezkeelarik ipar partea gaztigatuaz. Hegoaldean ere dezente nozituko da giroaren kaskarkeria hau ibai haizea mugituaz giroa galanki petralduko duelarik. Bihar ere gaurko tankeran baina itxura hobearekin bukatuko da eguna.